الرئيسية » منوعات » 10- Serial doctors دكتور قاتل !

10- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 10:

ثلاثة د السيمانات ماشفتو..و كل نهار كانهز الجورنان من عند الكليان و كانفليه، كاندعي الله مانشوفش فيه تصويرته. راه جوج د الرواح هادوك، هومامايستاهلوش ديك لروح و لكن لمخزن ماغاديش يعقل عليه….عمرني مابقيت غادي نشوفو إلى مشا حتى طاح…شكون غايبدا يجي يشد ليا الخاطر و يتعاود معايا و يتصنت لي؟ شكون غايبدا يعاود ليا؟ شكون غايعيط ليا “سي إسماعيل”؟؟ لا مايمكنش يدير شي زبلة، هو عارف آش كايدير و ماكيدير يديه فبنادم حتى كايعرف الجن الكحل ماغاديش يعرفو كيفاش مات.

ديما كاندعي معاه….توحشتو، واخا غير يجي يغوت عليا بحال آخر مرة، كانحس به بالفعل بحال خويا الصغير.

دازت السيمانة الثالثة بحال خواتاتها، حتى لنهار الجمعة.

دخل بواحد “السلاااااام عليكم”، نص البار رد السلام و النص لاخر راه مقطوع على الدنيا.

الضحكة تاني هي هي، جا عنقني “غبرت عليك أ سي إسماعيل و نتا تغلاض” قالها ضاحك و مشا لبلاصتو.

مشيت بالجرا جبت الخمسة و الطفاية…بلاتي…هاد الضحك كامل مامنوش.

ياكما؟

طلق فكروني فبورطابلو، بدا فاللولة و كايسولني على الدار و الصحة و المرة….يتحرقو كاملين أنا بغيت نعرفو فين كان غابر؟؟ علاش ماسولش من داك النهار؟

و علاش راشقة ليه لهاد الدرجة؟؟

– وا إيه إيه داكشي للي فبالك هو للي درت ههه.

– آش للي فبالي أ دكتور؟؟ كاع ماهدرت.

-راه كلت ليك نتا أكفس كذاب فالدنيا ههه…

نقص الصوت لأم كلثوم تاني، شعل كارو و بدا : “واخا هاد السربيس مافيهش لاكارد بالليل، و واخا الليل سترة و لكن ملي ربي كايبغيك تدير شيحاجة كايعطيك كيفاش. هاد المرة واحد المريض جا من الحبس…حتال بين إيديا”

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...