الرئيسية » منوعات » 12- Serial doctors دكتور قاتل !

12- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 12 :

هز راسو شاف فيا لقا فمي محلول، و عينيا خارجين من بلاصتهوم….تعجب حيت هادي ماشي أول مرة يعاود ليا، و آخر وحدة قطع ليها ماصدماتنيش القصة….و أنا نسولو:

– بصاح ا دكتور فكيتيها مع شيوحدة بالكورطاج؟ و ديك الروح ماشي حرام تمشي قبل الوقت؟

تطرطق بالضحك تاطاح ليه الكارو من يديه …. ضحك حتى بانو ضراسو و انا باقي حال فمي.

– واش أ إسماعيل أنا كانشرب و انت كاتسكر بلاصتي؟؟ ههههه الله يعطيك عقل راه غير طالقها عليه باش يرتاح ليا ه…..واشوووف دابا أنا كانعاود ليه على واحد غايقطع و هو شد فالكورطاج…..زعما داك الضمير عندك غير الله يعطينا باراكتو هههه.

حسيت براسي سطل….بطبيعة الحال كايكدب، الدكتور يدير كلشي إلا داكشي….كيما كان قال ليا فاش كنت سولتو واش مصاحب : للي مانبغيهش لختي…مانبغيهش لاخت شيواحد آخر.

شعل كارو جديد، باقي شاداه الضحكة ، و بدا تاني : فاش شركنا الهضرة السيد دارني فكرشو…و داكشي لي كنت باغي. المشكلة أن كل مريض جاي من الحبس كايكونو معاه جوج من لبوليس حاضيينو، كايجلسو برا د لا صال فين ناعس، و هاد السربيس مافيهش لاكارد د الليل. بقا حل واحد….نقتلو بلا مانكون حداه.

-كيفاش أ دكتور بلا ماتكون حداه؟؟

– كانضل نقولها و نعاودها….ربي فاش كايبغيك تدير شيحاجة، كاييسر ليك 100 طريق، و انا كانت خاصاني وحدة ولقيتها.

قاليا بللي هاد ليامات ديال لصبيطار راه بحال لكونجي من الحبس، و ماكرهش يزيد شي يامات إلى لقا كيفاش. و بما أننا صحاب، قتارحت عليه كيفاش.

– شوف كاين واحد الدوا، هو ماشي دوا دوا و لكن مكمل غذائي كايخرجوه للناس للي عندهم نقص فال——– (نسيت سمية لمادة للي قال)…خاصا عليه ورقة د الطبيب و لكن داكشي حالو ساهل.

– و راه أ دكتور بغيت نبان مريض ماشي نصحاح.

– وا غير صبر على رزقك….هدا إلى خديتي منو كثر من القياس، كايدير السهال، و بما أنهم ماغايعرفوكش خديتيه، ماغايفهموش منين جاك السهال و غاتزاد ليك واحد يوماين ولا ثلاثة معانا.

– و فين غانلقاه أنا هاد لدوا؟

– صبر عليا نجيبو ليك ليوم قبل مانخرج.

مشيت بالجرا للفرماسيان….ماخاصة لا ورقة د الطبيب لا والو، غير إلى حسستي بنادم انك ضربتي عليه تمارة….كايتحسب ليك خير درتيه فيه ، و للي قلتيها ليه ماغاديش يشك فيها.

جبدت لفانيد من لقريعة و جمعتو فورقة و عطيتها ليه. وصيتو يشربها فالليل فاش مايكون حداه تاواحد باش مايتفرشش.

ماكرهتش كون قدرت نحضر….بغيت نشوف عينيه….بغيت نحس بروحو كاتخرج واخا داك الزمر إلى فتي فيه واحد الكمية كايسكت القلب دغيا.

و لكن حتى فاش دخلت الصباح و لقيت لروينة فالسربيس و خونا مكسل….ارتاحيت. ها الثالث و قطع لراسو براسو….أنا غير سباب. و الطماع مايقهرو غير الكذاب”

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...