الرئيسية » منوعات » 15- Serial doctors دكتور قاتل !

15- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 15 :

كايعاود و القرعة الرابعة كاتترعد فيديه…مارديتش البال تاني امتى شرب اللولين.

“مانعستش ديك الليلة أ اسماعيل…واخا مادارتش علاش خاصني نصيفطها. إلى مشيت فيها غادي يعيش شحال من واحد للي مايستاهلش، و لكن إلى مشات هي… .

خاصني كيفاش ندير واخا ماباغيش، خاصني نقتلها…. مابغيتهاش تتعذب و ماخاصنيش نجرب فيها شيحاجة جديدة. ماغايفكها غير لانسولين مرة اخرى.

فاش درنا التقسيم فالصباح لاخر ديال السربيس الجديد، جات فيها لاكارد فالنهار الأول.و لكن إلى طلبت نكاردي معاها، غاتفضحني….ماشافتش فيا الصباح كامل، و تجنبات نكونو بوحدنا فلاصال ولا فالسربيس. عرفاتني علاش ناوي.

شوية كانسمع لبنت للي معاها فلاكارد كاتطلب، اختها قريبة تولد و بغات تشد بيرميسيون…خاصها شيواحد للي يشد لاكارد بلاصتها. ما فكرتش حتى تطوعت، قلت بلي ربي عطاني فرصة ماغاتعوضش….و نسيت أن للي فراس الجمل فراس الجمال.

شافت فيا أميمة. ماشي شوفة د الخوف، ماشي شوفة د التهديد…و لكن شوفة حنينة، تبسمات، و قلبات وجهها.

رجعت للدار و دماغي بغا يطرطق… تقدر فأي لحظة تفرشني، فأي لحظة يقدر البوليس يوقفو عليا، و ثلاثة د الأرواح راه ماجامعهم غير الفم.

لكن للي خفت منو كثر، هو إلى ماجاتش هاد الليلة ل لاكارد…آش غاندير ديك الساعة؟ مايمكنش أميمة تزيد نهار آخر فالدنيا.

الثمنية لقاتني واقف فالسربيس…دبرت على لانسولين فوسط النهار، باش نقضي الغرض فأقل وقت ممكن . مازال ماجاتش…للي خفت منو هاني طايح فيه. هي عايقة بيا، و أنا مافيديا ماندير.

مزال كانخمم، حتا كاتبان ليا داخلة، راشقة ليها سلمات عليا و دخلات تبدل حوايجها. خرجات سولاتني على شكون للي مكاردي معانا فالأطباء….كانسمعها كاتهضر و ماقادرش نجاوب.

كيفاش كاتهضري معايا بهاد البرودة؟ راك عرفتيني قتلت واحد، و يمكن تكوني عقتي بالجوج للي قبل منو…. واحد اللحظة فكرت نقوليها هربي…سيري فحالك لداركم…. ماتستاهليش تمشي، مادرتيش علاش.

ديك الشوفة الحنينة للي فعينيها هدمات داكشي كامل للي كنت معول ندير.

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...