الرئيسية » منوعات » 22- Serial doctors دكتور قاتل !

22- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 22 :

————————————————-
داكشي للي وصيتها تجيب هي مادة كايديروها فالتجميل باش يحيدو التكماش من لوجه. أميمة واخا قراية ما فهماتهاش حتى شرحت ليها : ديك المادة مخففة، الأصل ديالها واحد السم كايتخاد من واحد البكتيريا، و فاش كايدخل للذات كايزير العضلات و ماكايبقاوش يترخاو.

– بحال لكلاكاج ؟

– تماما… غير هي لادوز للي فالتجميل يالاه كاتزير لعضلات دلوجه و عضلات معينة، حنا بغيناه يقطع ماشي يزيان.

بقيت كانشوف فيه حال فمي تاني…. وا هي للي قراية و كاتضل تطحن فكتوباتها ما عاقتش، و لكن هو راه خدمتو هاديك، و كيما كايقول : ربي كاييسر 100 طريق و هو خاصاه غير وحدة فكل مرة.

– وصيتها تجيب كمية كبيرة، باش نجيب لا دوز للي خاصاني هي هاديك… خونا مولف السهير، و لكن الله يعطينا بركة العصير.

نعس، و دوزناها ليه مع العرق، و بقينا حداه، كانشوفو فيه كايتزير و هو ناعس، مشادين اليدين، واخا عينيه مسدودين و لكن كاتحس بالروح خارجة…. القلب تاهو عضلة، تزير و ماترخاش، قطعنا ليه بجوج.

دازت أروع كارد فحياتي، تقطيعة ماغايفهمو فيها تاني والو، و بالفعل لصقات فشي مرضة جايبها معاه من الحبس… ماشغليش فآشمن مرضة…. مابغيتش التفاصيل، لمهم أننا بجوج.

لوقت للي كنت كانهرب من حداها باش نكمي، كانتقطع من أميمة، كانبغي داك الكارو غير إمتى يسالي باش نرجع ليها.

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...