الرئيسية » منوعات » 25- Serial doctors دكتور قاتل !

25- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 25 :

——————————————–
دازت السيمانة للي موراها من أروع ما دوزت فحياتي، فالصباح و مع بنادم أنا وياها جوج دراوش، و فالعشية كانوليو ريوسنا لحقيقيين.

ما قست تاواحد ديك السيمانة ، مابقيتش مسوق لتا واحد، ولات كاتبان قدامي غير هي، أميمة سكنات دماغي.

المشكلة أن جوج د الرجال ماتو، بجوجهوم كانو عند أميمة…. فاش كانسولها عليهم كاتقوليا مايمكنش تحط يديها فشي واحد بوحدها و أنا مامعاهاش من بعد ماتلاقينا…. و مايمكنش نكذبها…. الفرحة اللولة فحياتي مابغيتهاش تكون كذبة، فتيقتها.

داك الصوت للي فراسي ماهنانيش… مشيت مرة أخرى عند السكريتيرة بغيت الضواصا د الموتى من الأرشيف، و باش ماتعيقش قلت ليها راه كانخمم للأطروحة من دابا، بغيت نديرها على لوفيات وسط هاد السربيس و الأسباب ديالها. شجعاتني مسكينة و بقات كاتدعي معايا الله ييسر ليا.

الرجال بجوج كان لمرض ديالهم بسيط…. و كانو كاياخدو الدوا للي خاصو يتخاد…. مشيت للصفحات اللولين فالضواصا بجوج : بجوجهم كايشربو، مزوجين، واحد عندو بنت و واحد عندو ثلاثة د لولاد و بنت.

حطيت الضواصا و خرجت، ما قلت حتى شكرا للسكريتيرة، و لكن راه دماغي طفا تاني. مايمكنش….. هضرنا على هادشي، قلت ليها الى بغاتنا نبقاو بجوج ماتلعبش دور ماديالهاش، ماتحكمش على لغيب، ماتسبقش الأحداث…. حنا غير سباب و ربي هو للي كايحاسب و يعاقب، و حتى ربي ماكايحكمش على النوايا د بنادم.

حسيت بيه غادي و كايتزير الصوت ديالو، يديه تزيرات على الكارو…. يا ربي داكشي للي فبالي مايكونش صحيح يا ربي.

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...