الرئيسية » منوعات » 26- Serial doctors دكتور قاتل !

26- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

 

Serial Doctors

الحلقة 26

—————————————–

تلاقينا كيما موالفين كل عشية، هضرت معاها على الموضوع ديريكت، حاولت ما أمكن مانغوتش، حيت ماكانحملش نشوفها كاعية، ما بغيتش نجرحها، بغيتها تبقا معايا، بغيتها تفهمني…. بغيتها…

شدات ليا لخاطر، واحد لوقيتة بكات… ماحملتش راسي، طلبت السماحة و واعدتها نكارديو بجوج و نقطعو لأي واحد بغات …. خالفت المبدأ ديالي… و لكن راه اميمة هادي، أي حاجة نديرها باش نشوفها ضاحكة.

ضبرات على واحد خينا، مابغيتش ندخل معاها فالتفاصيل باش ماتحسش بيا كانشك فيها.. بغيت هاد الليلة تدوز بحال أول تقطيعة درناها بجوج….. بغيت نوقفو حداه يدينا مشادين و كانشوفو فعينيه كاينشفو من الروح.

درنا نتعشاو قبل، جبت لماكلة، جابت هي لعصير، يالاه قربت لكاس لفمي و أنا نحبس… عينيا خرجو، دماغي تهز من بلاصتو : واخا ريحتو خفيفة و تقريبا ماكاتشمش، الدوا د النعاس باش خدمت جوج مرات للي فاتو مايخفاش عليا….. علاش ؟ علااش ؟ علاش ؟

خاصني مانبين والو ماشي وقيتة د التفكير هادي … جمعت الدهشة من وجهي، و أنا نحط الكاس:

– آآي وا بارد هاد الخير…. غانخليه تا نهبط نكمي، بدا كايحرقني لكارو فاش كانكثر منو.

– واش وقيتة دلكارو هادي ؟؟ تعشا بعدا و شرب عصيرك و فاش تبغي تكمي نزيدك راه جبت قرعة كبيرة.

تعشينا، شربت لعصير، هي ماقاستش لعصير ديالها و لكن أي حاجة نديرها غاتثير الشك.

عندي 20 دقيقة ولا أقل باش يبدا لعصير يدير خدمتو، قلت ليها غانهبط نكمي، و أنا نضربها بجرية للمستعجلات…. رجليا بداو كايخويو بيا، ذاتي كلها كاترخا شوية بشوية….. الانسانة الوحيدة للي فضلتها على راسي…. بغات تقطع ليا.

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...