الرئيسية » منوعات » 3- Serial doctors دكتور قاتل !

3- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 3
—————————————

(…)

خرجت للباب د المستعجلات, جبدت كارو شعلتو و وقفت حداه… بحال إلى سيدي ربي بغاني ندير داكشي للي فدماغي, بانت ليا فيديه واحد
الجرحة واخا صغيرة خامجة. سولتو عليها, لقيتو نجار و ضرب يديه فالخدمة, سولتو واش داواها, قاليا راه غير الحرفة هاديك.

بديت كانشرح ليه و كانخلع فيه من الجرحات للي واخا صغار يقدرو يقتلو بنادم…. عاودت ليه على الطيطانوس و بديت كانبيعو لعجل حتى طلبني نداويها…. مرحبا.

الجوج د الليل فاتت, المستعجلات بردو, الفراملية و الطبيب مشاو يلوحو فكرشهم داك الزبل للي كايعطيوهوم يتعشاو بيه, السيكيريتي قاسمين الليل كيفما موالفين و داك للي فيه النوبة شاد الجماعة مع الكارديان دالطوموبيلات على برا. صاحبي ليكستيرن للي شاد معايا الليلة جبد عليه فالفوق, كانخليه ينعس حيت أنا واخا نبغي ننسع مايمكنش نحط راسي فالسبيطار.

الدنيا زاكية… قلت ليه يتسناني نمشي ندبر ليه على الإبرة دلكرش فابور بلا مايخلص من عند شي صحابي… بنادم غير غرو بالفابور كايطيحو ريوكو.

مشيت للإنعاش, كانعرف الفراملية تما بزاف, طلبتهوم على لانسولين… قلت ليهم واحد الدري بحرا دخل و مافحالوش و خاصو و طلقتها عليهم. تيقوني, حيت أنا غير داك الشلح النية للي ديما ضاحك و مايفوتكش بالسلام, قالو هدا كايجري فالخير….. و راه خير نيت.

جمعو ليا داكشي للي تلاقاو, و رجعت كانتجارا للمستعجلات. باقية الدنيا كاتصفر, دخلتو لواحد لاصال خاوية, بقا كايدعي معايا فاش شاف القريعات صغيورين حيت مدبر عليه فابور…. تاحد ماشافني معاه, سديت الباب, طلع قاميجتو و ربي زاد أكد ليا أنه موافق على هادشي للي ناوي ندير: عندو واحد التوحيمة فكرشو و خارجة على الجلد… قصدتها ديريكت دكيت فيها كاع دوك القراعي للي دبرت عليهم شي ستة ولا سبعة. قلت ليه غير ترخا و سد عينيك راه كايدير شوية الدوخة, فاش تخرج بنتك من السكانير أنا نجي نعيط ليك.

خرجت كانطل, والو الدنيا خاوية…. دخلت لقيتو كايعرق و كاينشف, ولا صفر, داخ…. شاد طريق الآخرة, و أنا للي مقطع ليه.

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...