الرئيسية » منوعات » 33- Serial doctors دكتور قاتل !

33- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 33 :

________________________________
ماشفتوش مدة طوييلة من بعد أميمة و لقصة ديالها…. الله بوحدو لي عالم بيه دابا مسكين كيداير.
دازو الامتحانات…. و الصراحة عكس ما توقعت جا عندي واحد الليلة فرحااان، نجح الزغبي…. نجح للعام الرابع. هادشي باش كايعجبني، واخا تقوم القيامة، قرايتو مايفوتهاش….. ايه كايسد فالداخل ديالو على بزاف دلحوايج للي يقدرو يضروه من بعد…. و لكن ينجح و يضمن مستقبالو هو اللول.

وصل الصيف، الدنيا سخنات، مراكش تقزبات مرة وحدة، طلاها لبراني، ماجمعهوم غير رمضان للي جانا مع الصيف.
نهار قبل مايمشي لدارهم يدوز الصيف و رمضان جا حتا سلم عليا، و الصراحة ضراتني خاطري… واخا كان بعد لمرات كايغبر بالشهور و لكن كنت ديما كانقول دابا يدخل، دابا يدخل….. دابا راه ماغانشوفو حتاااال شهر 9 …. الله يديه و يجيبو على خير.
كيما فايت قلت ليكم أنا مزوج، تزوجت فالصيف ديال لعام الثاني د الدكتور، و ماعرضتش عليه…. حيت عرفتو ماغايجيش…. أعدى حاجة عندو هي العراسات و لمناسبات العائلية. واقيلة حيت قاليا كايقشع لكذابة بحالو و للي عايشين بجوج وجوه و بحال هادو ماكاين غير هوما فالمناسبات. يضحك ليك فوجهك، و لداخل علم الله آش فيه.
البنت للي تزوجت بنت جيراننا، كبرنا بجوج، و من صغري و انا حاط عليها لعين…. لمشكلة للي وقعات، هي واحد المصيبة لقينا راسنا فيها و مالقيت لمن نقولها…. حتى الدكتور فاش كان كايبدا يعاود ليا كاينسيني فراسي و مشاكيلي و كانبقا غير نتصنت ليه.
ليلة عرسي كتاشفت ان مرتي ماشي عزبة…. ماحملتش راسي، أنا كانعرفها من وحنا صغار…. قالت ليا راجل ختها لي تكرفص عليها و باقي تابعها لحد الساعة.
ماتيقتهاش، السيد كانعرفو، راجل بعقلو، و ديال الله، دينار الصلاة قدو قداش فجبهتو، مايمكنش …. هادي غير دارتها قد راسها و بغات تلوح الباطل….
____________________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...