الرئيسية » منوعات » 34- Serial doctors دكتور قاتل !

34- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

سيريال داكتشرز:

الحلقة 34 :

__________________________________
(..)

واخا كعيت و لكن طبيعتي هادي…. ماقدرتش نشوه البنت ، سترتها و عولت ندوز معاها شهر، ماغانحطش فيها يديا و من بعد نطلقها و كل واحد فينا فطريق.

حتال واحد النهار جابت ليا تيليفونها، جبدات مكالمة سجلاتها، تعييطة ديال لبارح فالليل فالوقيتة فاش أنا خدام و للي معيط مخبي النمرة…. صوت الحاج هاداك، راجل اختها، و لكن الهضرة للي كانسمع مايمكنش تخرج من فم داك السيد…. هاد الهضرة مايقولهاش زوفري لبنت الزنقة، فمابالك براجل حاج و مزوج لمرات الراجل….. ظلمتها…. كانت كاتقول الحق ، الكلب داير فيها مومن و فقيه و هو فعايلو يحشمو ابليس.

كانسمع ليه كايهضر و خاطري كاتزير…. الحاج عندو لمعارف بزاف و لاباس عليه، و ماعندي مانصور منو الى جيتو نيشان.

داكشي علاش هاد المرة قبل مايهضر الدكتور…. غانتشاور معاه.

بقات 4 أيام على الدخلة د شهر 9، دخل عندي بالضحكة للي توحشت…. غلاض، قلتها ليه و بدا كايضحك :

– واراه عرفتيني كنت حدا الواليدة….. معول نهار نرجع لمراكش ماغانشوف دوك الشهيوات على مدة هههه الواحد هو للي يدير حسابو هههههه.
طلق أم كلثوم : “صالحت بيك أيامي…… سامحت بييك الزمن”، هز القرعة اللولة، بدا كايتنغم مع الديسك..
يالاه بغا يدور يسولني على الدار و أنا نبدا:
– بغيت نتشاور معاك ادكتور.
– ياك لاباس ؟؟ مريض ؟
– لا لا، القضية عندها علاقة بمراتي.
– واه من دابا ؟ يالاه قفلتو العام و قلبتوها صباط ؟؟
– لا المشكل ماشي فيها…. المشكل فواحد الحمار د نسيبها.
عاودت ليه كيما عاودت ليكم…. كايتصنت ليا و مخشع مع هضرتي، عرفت ماغاديش يتصدم فشارف حاج كايدير دوك الفعايل… حيت كيما قال : بنادم مايقد عليه غير مولاه.
صيفط القرعة الثالثة و هضر بلا مايشوف فيا :
– جيب ليا نسمع داكشي للي سجلات مرتك.
ها ما خلات فيه أميمة…. كايشك فكلشي، و خاصو يتأكد من كلشي. ماشي مشكل، خدمتو هاديك.
– و حاجة اخرى أ اسماعيل، راه مانقدرش نحط يديا فيه الى ما دخلش للسبيطار.
_____________________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

33- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...