الرئيسية » منوعات » 35- Serial doctors دكتور قاتل !

35- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

سيريال داكتشرز:

الحلقة 35 :

__________________________________
(..)
– و حاجة اخرى ا اسماعيل، راه مانقدرش نحط يديا فيه الى ما دخلش للسبيطار.
– واراه خرج منو غير شي 5 ايام هادي، حتى فرحت و كلت تهنينا منو.
– مالو ؟ آش كان عندو ؟
– ماعرفت…. خدا شي دوا قاليك و شوية تنفخ وجهو و لسانو ثقال و تقطع فيه النفس…. داوه للانعاش فين عتقوه…. عمر الكلب.
بانت واحد الابتسامة كحلة ففمو…. مافهمتهاش حتى هضر.

– ههه هادي راه هي الدجاجة بكامونها…. ربي بغاه يمشي، و يمشي معذب و هادشي للي قلتي أكبر دليل… و للي بغاها الله هي للي غاتكون. غاتمشي عندو للدار، غاتدبر ليا فالوراق للي جاب معاه من السبيطار آخر مرة، و الى قدرتي على الدوا للي كان خدا، و هادشي كامل من بعد ماتجيب معاك داكشي للي سجلات مرتك….. و ديك الساعة هناك الله.
دوز الليلة بلا كثرة التعاويد…. كان داخل ناشط، و لكن فاش جبدت معاه خدمتو تزير…. دماغه مازكاش… سمح ليا ا دكتور، و لكن راه ماكاينش للي يدير فيا هاد الخير.
الليلة الاخرى رجع للبار واخا قليل فين كايجي جوج ليلات متابعين…. شاعل كاروه من الزنقة، مع جلس كايتسناني نجي حداه…. كان معطلني واحد الكليان، حتى دخل الطبيب و بغيت نجمع معاه عاد جاه هو يبدا يتوحم عليا و يسول على الشراب للي كاين عندنا.
كركبتو و مشيت بالجرا للكونطوار، هزيت واحد الخنيشة حطيت فيها الوراق، و انا نمشي بالجرا، طركت الخمسة من لكلاصيير و مشيت حداه.
– سمح ليا أ دكتور…. عطلني عليك داك الزمر.
– ماشي مشكل…. جبتي التسجيل ؟؟
كنت صيفطت التسجيل من بورطابل مرتي لبورطابلي…. دار الصناطات فودنيه…. كانشوف الثواني كايدوزو فالتيليفون… و يديه كاتزيد تزير على القرعة.
حس بالحكرة باش حسيت…. تخيلني فاش مراتي جات عندي نعاونها حيت انا راجلها و ظهرها، و ماقدرت نسوكر ليها والو…… أخيب إحساس هو ماتقدرش تحمي للي كاتبغي.
حيد الصناطات….نطر حتى شوط الفيلتر ديال كاروه قبل مايلوحو و يدور عندي:
– أرا دوك الوراق.
___________________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

33- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...