الرئيسية » منوعات » 37- Serial doctors دكتور قاتل !

37- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

سيريال داكتشرز

الحلقة 37:

_________________________________
– ههه وا هاديك هي الساهلة…. السبيطار و الكوميسارية خاصك غير تبغي تصيفط ليهم شيواحد، عطا الله كيتدير ليه ههههه.
جمع الضحكة و شاف في.
– هنا فين غاتخدم نتا…..

و ركز معايا مزياااان راني باغيك تتقن خدمتك بلا مايشوفك تاواحد : هادشي لي غانقوليك تدير يقدر يقطع ليه، كيما يقدر غير يوصلو لبين يديا…. و الى داك دينار الصلاة نفعوا….. راه غايموت قبل مايوصلني.
خاطري تشدات، قلبي بدا كايضرب…. يعاود ليا الطبيب على كاع دوك للي صيفط، هانية، و لكن باش انا ندخل فالخط…… حااجة اخرى هاديك، و الى خسرت كلشي للدكتور ؟؟ أنا راه غا تالف و كانقفقف غا بوحدي ….. لا….. مراتي هاديك، و الدكتور دار في الثقة فاش بغاني نعاونو.
زيرت على يدي، و أنا نشوف فيه :
– قول ليا أ دكتور بالتفصيل كيفاش غانوصلو للسبيطار ؟
– قلتي ليا لاباس عليه…. يعني عندو طوموبيل، و لكن بحال هاد الشرف ديما عندهم شي موطور مدخشش فالدار…… كاينة ؟
– إيه، عندو واحد السوينج كايتسخر بيه و كايديه مرة مرة الى كان خارج يقضي شي غرض.
– أنا غادي نتطوع فاول كارد…. باديين بالسربيس د الطروماطو (جراحة العظام)…. غاتكون فهمتي دابا آش بغيتك تدير ؟؟
كانتسناه يكمل يهضر…. موالف كانحس براسي ذكي قبل مايجي الدكتور حدا الكليان لخرين….. ماحدهوم كايشربو ماحد دماغهم كايختار. كايولي الجملة كاياخد فيها نص نهار و أفكاره كي وجهو…. و لكن ماشي الدكتور….. تقول كايشرب فالقهوة، ما عند الشراب مايدي منو.
شاف فيا، لقا فمي محلول و حدر راسو، شداتو الضحكة…..
– شوف، بقات يوماين على مانبداو السربيس، نهار غانبداو، غاتمشي عندو للدار، غاتقطع لفرانات د الموطور، غايخرج بيه، من تما لعندي اللهم الى عندو شي زهر و مشا ديريكت لعند مولاه.
_______________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

36- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...