الرئيسية » منوعات » 5- Serial doctors دكتور قاتل !

5- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 5 :

ملحوظة: أحداث هذه القصة خيالية بحتة
———————————

“جوج سيمانات دازو على آخر جلسة ليا مع الدكتور, و هدرتو كل ليلة كاتعاود ليا فدماغي فاش كانبغي ننعس. لوكان ماقتلش هاداك لوكان البنت بقات كاتكرفص حتى يديها شي راجل ولا الموت.

اليوم الإثنين, الحركة خفيفة فالبار, دوزت نص الليلة كالس حيت الخدمة قليلة, و ماجيت فين نحس بالقنط, حتى دخل : سلم على الباطرون كيما موالف, بعدا اليوم راشقة ليه, واخا ماموالفاش ليه يجي من غير الجمعة و الويكاند, قاليا ماكايحملش يمشي للسبيطار مثمل. و لكن هاهو فأول السيمانة داخل, الضحكة من لودن حتال لودن, كايعرف كلشي و كايسلم على كلشي. سلم عليا, و مشا لبلاصتو.

كيما العادة 5, و جلست حداه ساكت كي شي دري صغير حداه أمه في العرس. جبد بورطابلو و طلق الموسيقى : “يا أغلى من أيامي …..يا أحلى من أحلامي” و كايتنغم.

دازت واحد خمسة الدقايق و حنا هكاك, دار عندي و هو يضحك :

– ” يا طلقنا هضر راه تا أنا عندي مانعاود ليك”
– آش غانقول أ دكتور؟؟؟
– إسماعيل, دماغك كايفور باغي تسولني على شيحاجة …. كاينة ولا لا؟؟ و ماتكدبش راك أكفس كذاب فالدنيا هههه.
– إيه أ دكتور, كيبقات هند؟
– لاباس عليها, خرجات بالعكاكز و لكن صحة سلام و ضاحكة.
– وأمها؟ علاش ما ………قستي أمها؟ ياك حضرات للمنكر و سكتات, ياك كانت باغيا تستر راجلها و تكرفص بنتها؟
– شكون غايقابل هند و خوتها بجوج؟ هي غلطات و لكن الذنب فيه و فيه….و قليل للي يستاهل يلحق لخينا.
نسا عليا هند دابا, مولاها يرعاها….عندي مانعاود ليك.

القرعة اللولة خوات,سكت أم كلثوم, شعل كارو آخر و حدر راسو تاني….بحال داك النهار :

“هاد المرة امرأة, و ماشي فالمصلحة عندنا: ….”

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...