الرئيسية » منوعات » 1- Serial doctors دكتور قاتل !

1- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 1 :

السلام عليكم,

أنا سميتي إسماعيل, سرباي فواحد من أقدم البيران فجيليز. السيد للي غادي نعاود ليكم عليه سميتو ماشي مهمة…حيت مابقاش بيناتنا, مات من نهار جا لمراكش و بدا فيها لقراية. أصله شلح ولكن مابايناش فهضرتو, و واخا كايهضر بالشلحة مطلوقة مامتعصبش ليها, عندو كي الشلح كي العروبي كي الصحراوي كي غيرهم…كيما كايضل يقول : “المهم هو للي دار الذنب و حصل ….يستاهل العقوبة”.

ماعرفتش واش كان كايعاود ليا بخاطرو ولا غير لسانو كايخونو مع الشراب و كايبغي يفرغ. حيت واحد آخر عايش ديك الحياة و كايدير داكشي للي كايدير إلى ما خواش غادي يتسطا.

أول مرة عاود ليا على آش كايدير بصح كان فشهر 11 فالعام الثالث ديالو فالكلية….كلية الطب. كان موالف كايجي مرة مرة كايشرب و لكن غير كايتنغم و كايبدا يعاود ليا على تمارة د القراية و السطاج و دارهم….. لكن داك النهار مكانش هو هداك: الشتا خيط من السما, دخل كايقطر واخا هكاك العافية خارجة من عينيه.

غير شفتو مشا لبلاصتو و أنا نلحق ليه 5 دلبيرات باش موالف كايسخن, شعل كاروه و ساط فجوج بحال إلى كايشرب فالما….بقيت غير كانشوف فيه, و هو لي موالف كايطلق أم كلثوم و يعرف كل قرعة فين دازت. بغيت نسولو مالو, و لكن خليه يبرد, حتى توقف الرعدة للي فيديه ….الكارو و ماحاكموش مزيان و هو للي موالف كايشرب حتى مايقد و يبقا شاد فراسو.

لاح الخمسة فمصارنو و شاف فيا….فهمتو بغا خوتهوم….و بغا يهضر. أول حاجة قالها فاش جلست : “إسماعيل…..الروح عزيزة عند الله…و لكن بحالو مايستاهلوهاش”. خلعني….الصوت ديالو بحال إلى كايهضر فشي بئر غارق, جمعت شوية د الزعامة و أنا نسولو : “ياك لاباس أ دكتور؟ شتك ماشي على برجك اليوم؟”

بحال إلى كان كايتسنا ديك الجملة, تكب عليا بالهضرة….داكشي للي قال طاح عليا بحال شي سطل دلما بارد على غفلة : “جات الدرية كلها دمايات و مغيبة, سميتها “هند” عندها 5 سنين, على ماقالت أمها طاحت من الدروج…بديت كانقلبها بينما مايجي الطبيب المناوب, طلعت على الصاية كايبان ليا بين فخادها طايب ….الدرية مغتصبة. جا الطبيب وريتو آش شفت, شاف فيا و حدر راسو…للي فراس الجمل فراس الجمال….”

عن La Perle Rose

شاهد أيضاً

Serial doctors

34- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...