La Perle Rose اللؤلؤة الوردية Nous partageons le bonheur ! معا ننشر السعادة
Serial doctors
هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors
Serial Doctors
الحلقة 17 :
بقيت جامد بلاصتي، هي ماتخلعاتش، شافت فيا، تبسمات و دارت كملات خدمتها حتى خوات الابرة.
جاية جيهتي، ماهضراتش، سدات لباب دلاصال، و جراتني من يدي بحال شي دري صغير حتى وقفنا بجوج حدا المريض.
بحال فاش كايجلسو العشاق مشادين يشوفو الغروب….انا وياها واقفين كانشوفو الروح خارجة بشويييية عليها. شفت فوجهها، ابيض، نقي، بريء…ماتقولهاش فيها.
كنت كانقول أنه انا عايش بجوج وجوه و كانقشع للي بحالي من الدقة اللولة….اميمة خلاتني نشك فكولشي.
السيد قطع…لحق على علم الله شحال من واحد مصيفطة حتى هي. ماعرفتش علاش قتلاتو، و لحد الساعة مابغيتش نعرف…المهم أننا بجوج حدا بعضياتنا كانتمتعو بأروع منظر بالنسبة لينا.
طلقات من يدي و خرجات، و انا تابعها بحال شيواحد خايف تتجلا عليه مو. هبطات للجردة للي فوسط السبيطار، جلسات و بقات كاتشوف فيا و ديك الشوفة الحنينة مغطية عليا كلشي…ماقادرش نفهم هاد البنت، مايمكنش.
السكات فالصبيطار، مرة مرة شي غوتة من المستعجلات كاتفكرني بلي راه حنا فسبيطار، حيت دابا كاتبان قدامي غير أميمة، بغيت نفهمها كتر من اي شيء آخر…الانسان الوحيد للي حسيت فعلا أنه ضرني فراسي، هي ديك البنت…حتى عييت من السكات و بغيت نطرطق….و هي تبدا: “
