الرئيسية » منوعات » 28- Serial doctors دكتور قاتل !

28- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors :

الحلقة 28 :

—————————————–
طلعت للسربيس، يالاه السبعة هادي مازال مادخلو ليزيكستيرن لخرين، لقيتها جالسة فواحد الكرسي، شافتني و هي توقف.

– نتا فين غبرتي ؟؟ الليل كله و انا كانقلب عليك بحال شي حمقة.

هاد المرة ماشي بحال لمرات لخرين، قدرت نقرا عينيها، ما قدراتش تخبي عليا الكعية ديالها، الاحباط ديالها، داكشي لاش بلانات ماصدقش…. غير حيدت الضبابة د الحب من عينيا و ولات أميمة كتاب محلول قدامي.

– واراه ما عرفتش آش وقع ليا، ضربت لاكارد كاملها ناعس فلاصال ديال صحاب لاكيس للي فالمستعجلات… الكارو و ماكملتوش فاش هبطت، جاني واحد النعاس فشكل…

ماخاصني نبين والو، ماخاصهاش تعيق أنني عقت بيها….

الله يهديك ا أميمة، راه للي فراس الجمل فراس الجمال، و المشكلة خدمات معايا بداكشي للي علمتها…. ماشي مشكل، بغيتي نلعبو هاد اللعب. غانلعب معاك…. نتي للي بديتي.

بقات كاتشوف فيا، و لكني رجعت للأصل ديالي… جوج وجوه…. مافهمات والو، البراءة كاتقطر من عينيا :

– إوا سعداتك نتا مع من جا النعاس، الليلة كاملة و أنا كي لهبيلة ماحيلتي للمرضى للي يتقابلو فالسربيس ماحيلتي للخدمة فاش خاصني نعاون فالمستعجلات… و خونا للي على ودو كاردينا بجوج، خارج اليوم.

بقيت كانعتاذر ليها، طلبت السماحة تا ماقديت، و واعدتها نعوضها… غايتعوض خونا د اليوم…. غير صبري عليا.

مشيت للدار ماكانشوفش قدامي… ثقت فيها و علمتها قوالب جداد، و كنت مستاعد نضحي براسي على قبلها… نتشد أنا و ماتتشدش اميمة، نشدها فخاطري و تضحك أميمة، ندير ليها للي بغات غير باش تبقا حدايا.

كايعاود و صوته مخنوق، داكشي للي خفت منو طرا… أميمة ….. البنت للي هزات الطبيب للسما السابعة…. و ردخاتو مع الأرض.

طلبني نجيب ربعة أخرين حيت سالا داكشي للي كان قدامو… نضت بالجرا و رجعت لقيته كايمسح وجهو… حطماتو، و لكن للي كايحب بديك القوة بحال الدكتور…. يقدر يكره بنفس القوة.
________________________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...