الرئيسية » منوعات » 30- Serial doctors دكتور قاتل !

30- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 30 :

———————————————–
الدوا للي كنت كاندير فالعصير… وللي وريتو لأميمة و بغات تجربو فيا، خفيف شوية و كاياخد وقت باش يخدم، تقريبا 20 دقيقة. كنت كانخدم بيه حيت ريحتو ماغايقشعها غير للي فايت مستعملو، و ماكايبدلش المذاق د العصير الى زدتيه فيه.

و لكن هاد لمرة بدلت كلشي، دوا قسح منو، أسرع منو، و واخا ريحته قويسحة، و لكن فاش دكيتو بالابرة وسط الشكلاط غبرات. عمرت لبواطة كاملة شكلاطة بشكلاطة، و خليت وحدة فالوسط …. هي للي كليت انا.

عينيها بداو كايتسدو، تقريبا فهمات آش وقع…. ولكن معطلة بزاف.

نضت بالجرا هزيتها، و ديتها ل لاصال فاش كاننعسو الى ماكان مايدار، حطيتها، حسيت بشيحاجة فجيابها فاش كنت هازها، قلبتهم : ابرة خاوية و قريعات صغيورين…. كثار، كاع هاد لانسولين كنتي باغياه ليا…. الله يكثر خيرك.

مشيت جمعت داكشي باش تعشينا، جمعت العصير و لبواطة د الشكلاط للي فالبلاستيكة…. خدمتكم سالات.

هبطت للمستعجلات، عندها 3 د السوايع ديال النعاس على الأقل بلا دوز للي دكيت فالشكلاط. و انا هابط لفرملي للي تلاقيت معاه، و ليكستيرن للي تلاقيت كانسولو : عافاك واش مابانتش ليك أميمة ؟ البنت للي مكارديا معايا ؟؟

بطبيعة لحال تاواحد ماشافها… هزيت الليكات من لمستعجلات، و طلعت ليها تاني.

لبست الليكات… هزيت بورطابلها و طفيت ليه الصوت… و بديت كانعيط ليها من بورطابلي و كانقطع على راسي من بورطابلها… من بعد زدت واحد 5 د التعييطات بلا مانقطع و انا نرد بورطابلها بلاصتو.

بقيت كانشوف فيها شحال، السكات فالسربيس، بنادم ناعس، الفراملية دارو على المرضى عطاو لكل واحد دواه و دخلو ينعسو حتال وقت الدوا تاني… بقيت كانشوف فعينيها مسدودين، يديا كاتترعد.

بقيت شي ساعة واقف حداها، مديت يديا لجيبها جبدت لابرة و لقريعات للي كانت موجدة ليا…. حطيت لقريعات فيديها و ضغطت عليهم بصباعها، هرست الراس ديالهم و ستفتهم… كمية كبيرة باش ماتتعذبش و تقطع فأقرب وقت ممكن…. واخا كنتي باغيا تقطعي ليا و كذبتي بزاف……. انا ماكذبتش فاش قلت كانبغيك.
_______________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...