الحريرة المغربية بطريقة بسيطة للمبتدئات

السلام  عليكم و رحمة الله و بركاته

عواشركم مبروكة , توحشتكم بزاااف حبيباتي كنتمنا  تكونو فأحسن حال
سمحو ليا بزاف حيت غبرت عليكم مدة طويلة
رمضان على الابواب و كما  كتعرفوا الحريرة مكون اساسي للمائدة الرمضانية , أكيد انه اغلبكم كيعرف يصوبها و كل واحدة و طريقتها الحاجة الأكيدة انكم كلكم ما شاء الله حادكات وحريرتكم لذييذة
و هادي طريقة  بسيطة و سهلة و كتجي لذيذة بزاف لتحضير الحريرة المغربية بالنسبة للمبتدات و اللي غيدوزوا أول رمضان ديلهم فالقفص الدهبي هههههه

بالنسبة للمكونات مكيناش مقادير مضبوطة عيني ميزاني و لكم انحاول نعطيكم مقادير  تقريبية, غنحتجوا للمكونات الاتية

الحريرة المغربية بطريقة بسيطة للمبتدئات 

قطعة لحم أو عضم بقري لزوم النكهة و المذاق

قزبر و بقدونس  مفروم
كرفس مفروم
3 حبة طماطم محكوكة بزرارع ديلها
بصلة متوسطة مكعبات
حفنة عدس
حفنة حمص مرطب – مفسخ – شخصيا كنفضل نخليه بقشور ديالو حيث هما  اللي فيهم الألياف

حفنة فول – اختياري – أنا لم استعمله
ملح , تحميرة , كركم , شوية كمون , ابزار – نسيت مصورتوش – زنجبيل
سمن بلدي
زيت بلدية و زيت المائدة

2 معالق مركز الطماطم

كأس دقيق أبيض

حفنة شعرية متوسطة

عصير نصف ليمونة حامض

بالنسبة للطريقة هي بسيطة و موضحة فالصور

أول شي كناخدو طنجرة الظغط كندروا فيها  العضم و اللحم الحمص العدس الربيع الكرفس و  التوابل م زيت زيتون و زيت المائدة و البصل 

و كنضيفو الماء الكافي و كنسدوها مدة 30 حتل 40 دقيقة على  نار متوسطة 

هاهي بعدما دازت المدة و حليت عليها , ممكن نزيدو  الماء فهد المرحلة حسب الكمية  الليي بغينا ديل الحريرة و حسب كمية الحمص و العدس 

 

 

ثم نضيف  طماطم محكوكة و ملعقة صغيرة ديل السمن-حسب الذوق – و 2 معالق كبار مركز الطماطم و نعودو نسدو الكوكوت ونخليوها طيب 10 دقائق اخرى

بعدما كنحلو الكوكوت كرزيدو حفنة ديال الشعرية متوسطة السمك

و كناخدو كاس صغير ديل الدقيق كندربوه بالخلاط أو بالتراب اليدوي مع  الماء حتى كيولي خفيف  

كندورو به الحريرة و حنا  تنحركوا من لتحر لفوق بش ميبقاش لينا الحمص غير فلتحت ديل الطنجرة 

كنخليوها طيب مزعل زاحد 10 دقايق حتى طيب الشعرية و منساوش نتدوقوهـا  باش نصحو الدوق ثم نزيدو نضيفو شوية ديل السمن و عصير الحامض حسب الذوق كاين اللي تيبغهـا حامضة بزاف وكاين اللي لا

ثم نزيدو نضيفو شوية ديل السمن  و عصير الحامض حسب الذوق كاين اللي تيبغهـا حامضة بزاف وكاين اللي لا 
و بالصحة و الراحة 

الحريرة المغربية بطريقة بسيطة للمبتدئات

الحريرة المغربية بطريقة بسيطة للمبتدئات

تقبلوا مودتي

اللؤلؤة الوردية