السلام عليكم و رحمة الله و بركاته
اليوم جبت لكم بريوات السمك غاية فاللذة بحشوة اقتصادية
المكونات و الطريقة في نفس الوقت
أول شيء خديت قشور القمرون دائما كنحتفض بيهم فالتلاجة و غليتهم في الماء
بعدما غلى الماء اللي فيه قشور القمرون نصفيه و نرطبو فيه الشعرية الصينية و الفطر الأسود كيعتي نسمة رائعة للحشوة و كأن فيها القمرون
قطع من السمك الابيض نديروها تفور في الكسكاس و نحيدو منها الشوك
في مقلة نضع بصلة كبيرة مكعبات , حبة طماطم صغيرة مكعبات, ثوم , الربيع, تحميرة , ملح,ابزار,كمون,كركم و نخلي الكل يستوي لبضع دقائق ثم نضيف السمك الابيض , الطون و في الاخير الزيتون , الفطر و الشعرية الصينية و الجبن المحكوك إذا كان متوفرا
يمكن اضافة أي سمك تتوفرون عليه
نعمروا البريوات على شكل مثلث أو شكل نيم و نطيبوها في الفرن بعدما ندهنوهم بالزبدة مدوبة و نرشو عليهم الجبن
أنا قمت بحفض كمية منهم في المجمد .. يجب فصل كل طبقة عن طبقة بقطعة بلاستيك غدائي , و عند الحاجة نخرج البريوات من المجمد و مباااشرة إلى الفرن
اترككم مع الطريقة المصورة
بالصحة و الراحة
تقبلوا مودتي