الرئيسية » منوعات » 18- Serial doctors دكتور قاتل !

18- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 18 :

—————————————–
حتى عييت من السكات و بغيت نطرطق و هي تبدا: ” هذا السادس، و ديما بنفس الطريقة، ماكانجربش شيحاجة جديدة بحالك حيت أنا درية و الى غلطت مانقدرش نقتلو بيديا كيما ممكن تدير نتا.”

بحالي أنا ؟؟ يعني عارفة على الجوج للي قبل الحباس و ماقايلة والو…. ماهدرتش، هزيت راسي بالموافقة، حيت فعلا أنا كاع ماتصدقش شي حاجة غاندير فيه يدي، و لكن هي لا.

“- بغيتي تعرف علاش ياك؟ ماشي مهم بقدر ما مهم أنك ماشي بوحدك، أنك ماشي شيطان، ماشي قتال.

– و شكون قاليك أنا كايحساب ليا راسي شيطان ؟ ماكانقطعش لشيواحد ما دايرش علاش. و ربي معاونني.

-تقطع … ههه واش من نيتك أ ——– . آشمن ربي للي واقف معاك ؟ راك كاتصيفط الرواح بالتقسيط لعزرائيل. ماشي باش نحكم عليك غير باش تفيق شوية. نتا ماكاتحطش يديك فشي واحد إلى ماكانش دايرها قد راسو…. مزيان و لكن معطل بزاااف.

-كيفاش معطل ؟

– حد العقل ديالي هو 4 سنين، كان الواليد كايدخل سكران مع أي وقت وصلوه فيها رجليه للدار، كايفيق امي بركلة تقاد ليه لعشا… فاش كاتطلبو يهضر بشوية و مايغوتش باش مانفيقش كايخلي دار بوها، و انا بنت 4 سنين كانتفرج و كانبكي…. فاش البكا ديالي “كايطلع عليه السكرة عوجة” كيما كان كايقول كايبقا يضرب فيا تا كاننعس. فينما جات، ماهاموش، الدرب كلو سايق خبارنا و لكن الغالب الله.

للي كايعاود بحال هادشي عادة كايكون كايشوف الأرض إلا أميمة، كاتشوف فعينيا، كانحس بيها كاتشوف تحت لحمي، عينيها حمرين، دموعها ماحبسوش…. بغيت نجاوب، بغيت نمسح ليها دموعها، بغيت لوكان كنت فديك الوقت و طاح باها فيدي. و لكن كيما قالت الغالب الله.

– صبرت عليه، راه با هداك واخا كلشي. أمي كاتخدم فالديور و تقابل ولاد الناس و ماخلات مادارت باش نكمل قرايتي و ندخل للطب. حيت هو داكشي للي صورو فالطاكسي كايخسرو شراب.

-هو اللول ديالك أ اميمة ؟!

– أول كارد عندي فأول سربيس هاد العام….دخلتو بتسمم للمستعجلات غير حط رجليه فالسبيطار و أنا نصيفطو . ما حسيتش بالراحة، ماشفتش فعينيه، و لكن ماكرهتش لوكان قدرت نتبعو نشوفو كايتعذب.

– و للي تبعوه علاش ؟

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...