الرئيسية » منوعات » 2- Serial doctors دكتور قاتل !

2- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 2 :

“درت عند الأم….السيدة صفرة, إيه الكبدة صعيبة لكن هاد الصفورية سبابها ماعالم بيه غير الله و أنا من بعد.

– فين بًات البنت أ الشريفة باش يقيدها ؟ – خليتو داخل مورايا أ دكتور.

خرجت, سولت على السمية, لقيتو شاعل كارو كايتكيف برا حدا الباب.

-آش وقع للبنيتة آ سيدي؟ -وا راك عارف الدراري الصغار آ دكتور كاتجارا تلعب و هي تكركب مع الدروج.

صدمني…واحد بنتو فكوما و هو كايتكيف و كايهضر بهاد البرودة…و حتى فاش كايهضر معايا حاضي مع مرتو و مع الطبيب المناوب و مخشع معاهم.

لبلان باين, و لكن الظلم خايب … خاصني نتيقن.

المرأة مشات دات بنتها للسكانير, و أنا نلحق عليها. غير دخلات البنت و أنا نجر المرأة للقنت و أنا نقول داكشي للي خانقني ملي قلبت البنية.

السيدة كان قلبها طايب و خاصها غير إمتى تطرطق….طاحت على يدي : “هالعار أ دكتور سترنا سترك الله, هو الله يهديه و أنا بنتي غادي نديها فيها. ما قدينا على شوهة و الجيران و المحاكم و البنية يالاه عندها 5 سنين و عندي خوتها جوج…مانقدرش نشتت الشمل.”

خرجت ماكانشوفش قدامي : داك ا”لأب” حاشا الصفة كان باغي يشد البنت صحة كيفما موالف…فاش هربات ليه تبعها باش يشدها و تكركبات مع الدروج.

حقها ضايع ضايع. و باها و أمها و الزمان عليها و هي يالاه بنت 5 سنين…دماغي كايفور…100 بلان كيدورو وسط منو و لكن واحد هو للي غايصدق مع هاد خينا….”

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...