الرئيسية » منوعات » 32- Serial doctors دكتور قاتل !

32- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial doctors

الحلقة 32 :

————————————————–
(…)

“خليت الابرة فيديها و هبطت للمستعجلات ماكانشوفش قدامي…. كانعاون و ماعارفش فاش…. كانهضر و ماعارفش مع من.

وصلات السبعة عرفت العيالات دلميناج دخلو تاني…. طالع فالدروج حتا سمعت لغوات فالسربيس…. لقاوها….. مشيت كانجري، دفعتهم…. شفتها، كيما خليتها، القربعات حداها و الابتسامة ففمها…. غوت حتى خرجو حلاقمي…. مشيت هزيتها من لباياص حطيتها فالارض و درت عند لفراملية :

– وا شيواحد يعيط على لبرانكارديي (للي كاينقلو لمرضى مابين السرابس) خاصها تمشي للانعاش….

بقيت كانضغط على صدرها…. التنفس الاصطناعي…. اي حاجة عقلت عليها من داكشي للي قرينا فالاسعاف درتها…. و المشكلة، جزء مني كايتسناها تفيق، تجاوب الغوات ديالي…. تتحرك. جزء مني مابغاش يتيق أنني قطعت ليها بيدي.

جا واحد من الاساتذة للي فالسربيس… قلبها، و اعلن الوفاة ديالها… نضت كانضرب راسي مع لحيط…. ماعرفتش واش كنت كانمثل عليهم ولا بصاح…. للي عقلت عليه أن الفراملية شدوني قبل مانطيح حداها.

فقت …. ليزيكستيرن للي معانا حدايا، كلشي كايبكي… و جملة وحدة كاتعاود: اميمة انتحرات.

شافوني فقت.. تجوقو عليا كلشي كايسول كيبقيت و الاهم كايسولو آش وقع.

قلت ليهم انها غبرات فوسط لاكارد، عيطت ليها تاماقديت … و ان لاصال فاش لقاوها كانت مسدودة…. كانعاود ليهم و كانحس براسي خاوي من لداخل…. جثة…. ماشي بنادم…. ماشي بنادم للي يقطع لحبيبتو……. و لكن خدمتي هاديك. و فاش كايولي الاختيار مابين ربي و اميمة…..المهمة للي عندي غاتسبق.”

دابا الى قلت قلبو مات…. راه فعلا مات….. خلصني و خرج، و كانت هادي اطول مرة نجلسو فيها انا و الطبيب.
________________________________
قصة خيالية بقلم بدر ناصر أمجيد, طبيب خارجي

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...