الرئيسية » منوعات » 20- Serial doctors دكتور قاتل !

20- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial Doctors

الحلقة 20 :

———————————————
ماشفتوش شهر من بعد ديك الإبتسامة… كايقوليك للي لقا حبابو، كينسا إسماعيل.

الحمد لله للي لقا هاد أميمة، واخا تاهي بخبيزتها و لكن راه الحب كايدير العجب فالناس. و ماتعرف تكون قدام الخير، و يهديهم الله بجوج. داكشي للي كايدير هو واخا مزيان من واحد الجيهة، و لكن كايبقا خطر عليه. و ماقادش نتخيلو فشي حبس ولا محكمة.

كل نهار كانبدا نقاد قصص فراسي على آش كايدير : تلقاهم دابا فعرصة مولاي عبد السلام مشادين اليدين و كايبلانيو لشي زغبي…. ليوم الجو سخون، بحال والو يمشيو لست فاطمة يتبردو بجوج…. آجي ويلا شينهار جابها معاه لعندي يجلسو معايا، وا ديك الساعة المعاودة غاتولي فشكل آخر…. و كيغاولي هو إلى هي جالسة حداه ليلة كاملة و هو ماكايكميش و كايعاود هههه…. الرجوع لله ا إسماعيل مايمكنش يجيبها لهاد الخربة ههه السيد كايحب.

كانبدا نتخيلهم و نضحك بوحدي بحال الهبيل، يستاهل شوية د الفرحة فحياتو مسكين… داكشي للي داز عليه، غير للي عاود ليا، راه ماساهلش. و الحمد لله للي جاتو فاش بقات شهرين للإمتحانات ديالو (وليت شاد معاه لحساب) بعدا غير تونسو و تردو شوية لقرايتو.

فالبداية د شهر ثلاثة مراكش بدات كاتعمر، لعطلة د الربيع قربات و المدينة ماكاتلقاش فين تدوز فيها. دخلت لبست عليا طابليتي، و بديت تاني الخدمة…. شوية حتا تم داخل، بوحدو مامعاهش أميمة… شد بلاصتو. ديالو ديك البلاصة بحال كان بحال ماكانش حيت مقنتة و حتى فاش كايجلس يعاود ليا فيها ماكاتبانش للباطرون و ماكايبداش ينكر عليا… كنت ديما كانقول بلا مايحس الدكتور كايفكر فمصلحتي.

لحقت عليه بالخمسة و الطفاية، أم كلثوم ساكتة اليوم، الكارو خدام، جلس. يالاه بغيت نسولو على أميمة و نشد فيه شوية حيت نساني مابقاش كايجي. و هو يبدا :

“عطيني ودنيك أ إسماعيل، خاصني نخوي تاني و نرجع لقرايتي الإمتحانات قربو و خاصني ندوز للعام الرابع.”

كايهضر بجدية، ماكايتبسمش، و صوته جاني كبر منو هاد المرة…. الله يسمعنا خبار الخير.

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...