الرئيسية » منوعات » 23- Serial doctors دكتور قاتل !

23- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial doctors

الحلقة 23 :

——————————————-
لوقت للي كنت كانهرب من حداها باش نكمي، كانتقطع من أميمة، كانبغي داك الكارو غير إمتى يسالي باش نرجع ليها.

الصباح ديال ديك لاكارد ماقديتش نتفرق معاها، و لكن ماشي مشكل العشية غانتلاقاو.

و أنا خارج تلاقيت واحد الطبيب مقيم (كايقرا التخصص) ولد مراكش، من أظرف خلق الله، شفتو بعينيا ماشي مرة ماشي جوج كايوكل المرضى للي ماعندهم للي يقابلهم بيديه…. كايكولو الأطباء جزارة، و لكن راهم غير بشر…. و بحال بنادم، طوب و حجر، كاينين طبيبات و أطباء بعينيا شفتهم كايغامرو بالشهادات ديالهم غير باش يدوز شي مريض مافحالوش فالسكانير ولا يدير التحاليل فابور.

سولني آشمن صال باش مكلف أنا، قلتها ليه، و هو يقوليا راه واحد المريض مسكين مات ديك الليلة، كان كايحساب ليه مريض ديالي:

– مسكين باقي صغير و ماشي تا ديال ديك الحالة…. داخل للحبس على لكريساج و غير داز فيها حيت كان مع مول الفعلة نهار تشد و جرو معاه… و من عندنا لعند مولاه.

هضرتو بردات ليا الما فالكرابي…. لكريساج ؟؟؟ و مظلوم ؟؟ و لكن أميمة قالت ليا….

مايمكنش تكون كذبات عليا، مايمكنش الكادو ديالها كذوب.

العشية غانسولها، لمريض باينة كذب على الطبيب، أما أميمة تكذب على كلشي إلا أنا…. حنا بحال بحال.

مانقدرش نصبر حتال لعشية… عاودت طلعت للسربيس، مشيت طلبت السكريتيرة على الضوصي ديالو بغيت نقراه. ما فهماتش لاش بغيت الضوصي، و لكن بما أنني غير دريويش و كانسلم مع كلشي و كانشد الخاطر لكلشي، ناضت جبداته ليا.

كانقراه و العرق هابط مع وجهي… السيد باه مات 4 سنين هادي بالسرطان، و أمه باقي عايشة و فيها السكر (هادشي كله كانسولو عليه لمريض فاللول).

المريض كذب على الطبيب… ولا الطبيب براسو كذاب…. المهم أنها أول مرة كانبغي نكذب عينيا.

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...