الرئيسية » منوعات » 8- Serial doctors دكتور قاتل !

8- Serial doctors دكتور قاتل !

Serial doctors

هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا خارجيا، في صفحة تحمل نقس العنوان على الفايسبوك. رابط الصفحة الذي لم يعد يعمل https://www.facebook.com/pages/Serial-Doctors

Serial doctors

الحلقة 8 :

————————————————
تأكدت بأنها ودعات، جمعت الإبرة فجيبي و تسليت بلا حس. خرجت لباب المستعجلات شعلت كارو، و بقيت كانفكر فداك لوليد و ديك الزيادة للي مابقا ليهم حد فالدنيا. واخا كانت كاتبيع و تشري فيهم فهي كانت امهم….. لا…. يهديك الله أ فلان، اللهم تطحنهم الدنيا ولا تطحنهم الكرش للي ولداتهم. و زايدون مولاهم يرعاهم، ربي عاونني و يسر ليا و مايمكنش يخليهم.

طلعت طليت على ضحية العصير…. كايحسب عجول الآخرة، دبرت على بلاصة فين نتكا، و نعست بحال ديك المرة، تقطع راسي من الدنيا.

سديت عينيا كايبان ليا بات هند و ديك المرأة كل واحد فوق باياص مكسل، عينيهم محلولين كايشوفو فيا…. كانحس براسي كانتزعزع. حليت عينيا لقيت خينا فاق و جا كايفيقني.

بدا كايشكي ليا حيت ماستافدش من لاكارد و ضربها غير ناعس…. المهم الدري و لبنيوتة للي يالاه تزادت ستافدو.

بحال مع بات هند، تسليت منها… صبحو صحابي للي فالعام لسادس كايعاودو ليا على المرأة للي ماتت البارح فالليل، سبوها فالعروقة د القلب للي بداو كايتبوشاو …. ههه.

بقيت كانتصنت ليه، مشات مني الدهشة ديال المرة اللولة، دابا كانحلل آش كايقول، ماشي غير كانسمع و مصدوم.

-و حتال إمتى غاتبقا وقتما بتتي فالسبيطار تصيفط شيواحد عند مولاه ؟

-ماشي لخاطري أ إسماعيل….ربي بغاني نبقا عايش لهادشي

-تبقا عايش ؟؟ كيفاش ؟

– ماشي دابا… من بعد و إلى تفكرت نعاود ليك. المهم غانبدل السربيس السيمانة الجاية. هادا للي جاي مافيهش ليكارد.

– مزيان… ترتاح نيت شوية من ديك تمارة، و تديها فراسك و قرايتك.

– إسماعيل، نقولها ليك و بلا ماتدير شي شوفة ناقصة…. ماعمرني رتاحيت بحال فاش كانشوف الروح كاتخرج من عينين شيواحد داير علاش. غير الله يدير شي تاويل فهاد الشهرين د السربيس الجديد.

كمل قراعيه تاني بلا مانرد البال …. كايغفلني بالهضرة. و كايخلعني.

عن La Perle Rose

شاهد أيضاً

Serial doctors

37- Serial doctors دكتور قاتل !

Serial doctors هذه المقالة محاولة لتجميع قصة بالعامّية نشرها الدكتور ناصر أمجيد بعنوان Serial doctors حين كان طبيبا ...